XOGANDO CO ESCENARIO DE MADAGASCAR
Como xa temos os animaliños feitos, só queda facer o escenario. Tamara Chubarosky amósanos nestas fotos como facer un teatriño moi sinxelo. Colledes unha cartolina ou cartón finiño. Podédelo facer doble como na foto, pegando unha folla por detrás ou collendo unha cartolina grande e doblándoa.
Debuxade e pintádea como se fose a selva de Madagascar. Moito sol, moitos baobabs...
Facédeslle un corte polo medio para poder meter os títeres de pau. A bolboreta podedes deixala pegada fixa ou movela tamén co pau.
Agora metede tódalas personaxes que teñades e... a xogar!
Pero...haberá algún atrevido que invente unha historia con eles e nola conte? Veña, animádevos! Sabemos que estades un pouquiño cansos, pero inventar sempre é divertido. Imos axudarvos!.
Respondede a estas preguntas e xa teredes unha historia: Quen é o protagonista? Que día vai? Onde está? Que lle pasou? Quen o vai axudar? Que pasa ao final?.
Se non queredes contarnos a historia coa boca, podedes enviarnos uns debuxos ou varias fotos coas escenas e os títeres ordenadas e xa nos encargamos nos de adiviñar! Será unha historia muda!
Imos xogar coas letras dos nomes. O reto consiste en
atopar na despensa e/ou no frigorífico cousas que comecen por cada unha das
letras do voso nome. Sería fantástico atopar un alimento para cada
letra, pero o mellor non o conseguimos. Podedes intentar con outros
membros da familia. A ver cantos nomes podedes completar!
Primeiro debuxade cada letra nun anaco de
papel, colocádeas nunha mesa ou similar e ide a investigar. Poñede cada
alimento que vos serva a carón da letra correspondente. Para completar un nome
ordenade os alimentos coa mesma orde que teñen as letras no nome. Se vos falta algún, poñede no
oco a letra que fixestes.
Deixámosvos o nome dunha profe que coñecedes moi
ben. A ver se sodes quen de adiviñar quen é.
BAILE: DURO Y SUAVE
OS QUEBRACABEZAS DA VIAXE
Ningún comentario:
Publicar un comentario