AQUI ESTAN OS ALLOS DE 4

O prometido...non podemos deixar de vos ensinar a foto dos allos dos nenos de 4 anos que están tamén medrando a bo ritmo.

Ademáis eles foron os primeiros en atreverse a plantar as súas sementes. E iso que o paquete dicía "SEMILLAS VIVAS". A todos nos pareceu que iso de que estiveran vivas era moi perigoso. Tamén é certo que mentres os demais pescudabamos para ver que facer con aqueles sobres de sementes, eles atoparon na bilioteca o libro de pócimas de Tica. Despois diso ela deixou na súa clase uns cacharriños e unha bolsa de terra que lles axudaron a atar moitos fíos... ¡que enchufados!

OS DE 3 ANOS VAN DE VISITA

Os nosos amigos  de 3 anos  están entusiasmados coa primavera e esta misión de axudar a Tica coas súas pócimas, así que moi pronto veredes como levan a plantación das sementes que a eles lles tocaron. 
Como son moi curiosos e se interesan por todo o que acontece no cole, viñeron visitarnos para ver como medran os nosos allos. Xa que estaban connosco pedíronnos consello sobre a plantación ...

CARLA ADIANTA A ABEL

Os nenos de 5 levamos unha competición moi particular coas plantas de allos. Tódolos días ordenámolos por alturas segundo van medrando os talos. Ata agora Abel era sempre o gañador, pero de súpeto o allo de Carla deu un chimpo e xa vedes o resultado...

TICA PIDE AXUDA

Non sabemos que lle pasou a Tica, pero ven de mandarnos unha nova mensaxe de socorro xunto cun misterioso paquete. Seica ten que facer pócimas curativas para os nosos amigos pantasmas ( aqueles que acaban de sair do hospital pantasmal) e disque non sabe por onde empezar. Daquela nós imos investigar ese asunto das pócimas que curan.

Nas fotos que poñemos aqui podedes ver o barullo que se montou ao recibir a súa mensaxe e mailo paquete. Tamén podedes ver como fomos quen todos xuntos de nos acalmar e facer unha superxuntanza na que discutimos para que servía o que nos mandou e o que imos facer para axudarlle na súa tarefa