xoves, 7 de marzo de 2024

NOVAS ENTRADAS NA RADIO

Pasade a escoitar novos contos na aula de 4 anos e o programa sobre o punto lila en 5 anos. Na aula virtual ou no noso canal radiocamilo, no lateral dereito..


venres, 15 de decembro de 2023

4 ANOS NA RADIO. O CONTO DE EVA

 Por se non  escoitastes no outro blog os contos dos nenos de 4 anos na radio escolar, deixámosvolos aquí. Na columna da dereita tedes acceso á canle Radio Camilo onde temos todo aloxado.

 Dá gusto escoitalos e... tranquilos! Pensan seguir contando moitos contos máis. Que ben!

O último hoxe mesmo. Recén saído do forno radiofónico temos o conto de Eva.

venres, 1 de decembro de 2023

PAN DE CABAZA

 Como de certo xa tivestes oportunidade de degustar pasamos a semana facendo pan de cabaza. Comezaron o martes os pequechiños de 3 anos. Enseguidiña poderedes ve-las fotos desta experiencia.

Os de 4 e 5 tiveron que agardar ata hoxe venres e abofé que lles custou moito moitísimo agardar con paciencia estes 3 días.

Amosámosvos as fotos desta estupenda actividade... pegañenta, pero moi divertida e saborosa. Un xeito máis de aproveitar as lambetadas naturais que nos ofrece o outono.



venres, 10 de novembro de 2023

OBRADOIRO DE FARIÑA

Comezamos o outono cun obradoiro de fariña onde experimentamos cunha morea de formas diferentes. 

Foi moi divertido e sorprendente, só tedes que ver as nosas cariñas.

Mirade, mirade!!


sábado, 30 de setembro de 2023

UN ANO MÁIS COMEZAMOS VIVINDO A CONTORNA E RECOLLENDO EXPERIENCIAS

 Un novo curso escolar e aquí estamos, tentando achegarvos algunhas das experiencias que imos ter no cole. Estas rutinas do outono son para todos moi importantes...sair ó noso estupendo patio, observa-las árbores, as plantas e mailos bichiños, recoller froitos, secar follas, ollar detidamente os cambios na paisaxe, usar todo o material para os nosos traballos e interiorizar a natureza con tódolos sentidos. E non si? Tamén tivemos tempo de enredar ao noso trasniño na cociña. Nós deixámoslle as froitas recollidas e el agasállanos cunha rica sobremesa! 3, 4 e 5 compartindo primeiro mes na escola e experimentando xuntos!

Ollade aquí algún traballiño

e a nosa degustación do marmelo feito coas froitas recollidas