ACTIVIDADES DE NADAL

Temos publicado no blog de biblio o vídeo de felicitación e as actividades feitas nos derradeiros días do trimestre nas que participou todo infantil. Deixámosvos aquí o enlace para velas, se non o fixestes xa. 

  ACTIVIDADES DE NADAL 

VÍDEO DE FELICITACIÓN ÁS FAMILIAS

ASÍ COMEZAMOS NA CLASE DE 5 ANOS E... CHEGAMOS Ó OUTONO!

 Xa fai uns meses que comezou o curso, sen embargo, aínda non víchedes as nosas caras por esta xaneliña.  Mostrámosvos neste vídeo algúns momentos de como foi o inicio de curso, e algunhas das rutinas e actividades que fomos facendo.

ADIANTE VÍDEO!

HISTORIAS DE SAMAÍN EN 5 ANOS!

Aínda que xa non é tempo de Samaín, non queremos deixar de mostrarvos as historias que fixeron os nenos e nenas de 5 anos. 

Ese día tocaba xogar e explorar con lenternas de medo. De repente, unha nena propuxo facer historias como fixéramos o ano pasado coa mesa de luz. Todos aceptaron e puxéronse mans a obra. Aquí vos deixamos o resultado. 

DESFRUTADE!!

MAGOSTO NA CLASE DE 4 ANOS

Este ano, aínda que dun xeito distinto, puidemos celebrar o noso magosto. Equipados con coroas e cornetes de xornal disfrutamos dunha xornada de xogos, baile e papatoria de castañas. Mirade, mirade...!!

SAMAÍN NA CLASE DE 4 ANOS

Aínda que imos con un pouco de retraso mostrándovos o que pasa na nosa clase, coido que nunca é tarde. Desta vez , queremos amosarvos  o que fixemos na semana do Samaín.  Falamos moitísimo dos nosos medos, qué sentimos cando temos medo e como podemos resolvelos.

Ademáis traballamos a artista japonesa Yayoi Kusama, unha apaixoada dos círculos e cabazas. Fixemos unha festaza de disfraces, bailamos, papamos cousas monstruosas traidas da casa e, por suposto, gozamos dunha lectura terrorífica en compañía das nosas compañeiras Paula e Claudia de 5º de E.P

Botádelle unha ollada a ver que vos parece.

NOVA COMPI NA CLASE DE 5 ANOS!!

Os nenos/as de 5 anos queremos presentarvos a nosa nova compi. 

Despois de creala estivemos debatindo cal ía ser o seu nome. Houbo unha longa votación e, ao final, decidimos que fose OUTONA, xa que foi na estación do Outono cando naceu. ¿non vos parece boa idea?

Grazas profe Marisol, foi unha idea fantástica!

DESPEGAMOS!!!

 Parece incríbel, pero xa demos comezo a un novo curso. Un curso cheo de cambios, novas aprendizaxes, emocións e moita moita diversión.

Este video é só unha pequena mostra das moitas cousas que se suceden ao longo do día: rutinas de entrada, tarefas do encargad@, diferentes propostas de traballo, xogos no patio, merenda, conto, ás veces algo de relaxación porque estamos un pouco alterados.... e no medio de todo isto sempre hai espazo para celebrar  algún aniversario.

FIN DE CURSO 5º E.I.

Chegou o fin de curso, un fin de curso atípico ao igual que o resto do ano. Non tivemos festival, nin puidemos xogar cos compis das aulas veciñas, pero tampouco deixamos de divertirnos e xogar. Aquí vos deixamos a mostra cunhas fotos dos dous últimos días.

BO VERÁN A TODOS/AS! 

PROXECTO "BECHOS"

Este trimestre na aula de 4 anos estivemos investigando sobre os bichiños. Xa somos case uns profesionais, especialmente co tema das abellas. ¡MIRADE, MIRADE!

O 3º TRIMESTRE NA AULA DE 5º DE E.I.

Xa chegamos a Xuño e antes de pechar as portas para desfrutar do verán, queremos lembrar todo o que desfrutamos, traballamos e xogamos neste 3º trimestre. ¡ADIANTE VÍDEO!

¡DESFRUTADE DO VERÁN QUE O MERECEDES MOITÍSIMO!

PROXECTO "OS CIENTÍFICOS"

Este curso na aula de 4 anos convertímonos nuns auténticos científicos. Aprendimos un montón de cousas coa axuda dos mouchiños, e mesmo montamos un laboratorio na aula. Non volo credes?? pois aquí vos deixamos un vídeo para velo.

LEMBRAMOS!!

Queremos recordar ás familias dos nenos e nenas da aula de 4 anos que as propostas de actividades que imos facendo tódolos mestres están recollidas na aula virtual da escola. Non precisades ningún usuario nin contrasinal.

Podedes acceder premendo AQUÍ

Esperamos que nos visitedes!!!

A SUXESTIÓN DE CARMEN

 Tamén Paula (4ºprimaria) e Carmen (5 anos) suxiren lecturas e nos len o conto "Orellas de Bolboreta"

Paula tamén nos le un RELATO DE GIANNI RODARI traducido por XELA ARIAS

A SUXESTIÓN DE IAGO

 Iago (3 anos) e Adriana (6º de primaria) suxiren e len "Polo camiño". Estupenda lectura!

CADROS CON LIBROS

 Abril e Julián participan tamén na actividade CADROS CON LIBROS. Tedes aquí a presentación con ideas para cadros  por se vos animades.

Julián (2º de primaria) representa "O lector engaiolado" de René Magritte.

Abril (4 anos representa "Muller lendo no xardín" de Henry Matisse.

Fenomenal, ámbolos dous!

MÁIS LECTURAS E SUXESTIÓNS EN FAMILIA

 Seguimos estando de sorte! Unha familia máis achéganos as súas suxestións e agasállanos cunhas novas lecturas. É un gusto escoitalos! 

Abril (4 anos) e Julián (2º de primaria) fixeron unha escolla de libros e nola envían. Adiviñades quen escolleu cada conto?

VEDE E ESCOITADE TAMÉN OUTRAS SUXESTIÓNS SÚAS

Abril suxírenos "Historias de princesas y sirenas"

Julián suxire e le unha banda deseñada moi especial. Ibañez esperta paixóns en tódalas xeracións. Pepe Gotera y Otilio, tamén.

Tamén nos len en familia un conto superespecial  "Chímpate, Pepa"

PRESENTACIÓN COMPLETA DOS RELATOS DA TORRE

 Hai tempo, a mediados de abril,  os nenos e nenas de 4 e 5 anos decidiron atreverse co Reto da torre que nos propuñan dende a biblioteca. Xa vos ensináravos  os debuxos que a torre inspirou os nenos de 4. Agora tamén os de 5 preséntanvos o seu relato fantástico inventado entre todos e os outros que fixeron individualmente.

SUXESTIÓNS LECTORAS EN 3 ANOS

 

CIENCIA EN 3 ANOS

Os de 3 anos atrévense a todo...tanto experimentan cos grandes principios científicos, coma pescudan sobre os bichiños máis bonitos e interesantes da natureza.

Nesta fotos podedes velos mesturando  alguns ingredientes para  aprender como sae a lava dun volcán e como podemos inflar un globo sen esforzo.

Tamén podedes coñecer canda eles uns bichiños especiais.

UN NOVO MAIO

 Julia de 5 anos e a súa familia desfrutaron moito facendo este maio. Flores e fiunchos...un festival de cheiros!

SUXESTIÓNS NA AULA DE 4 ANOS

 Suxestións na aula de 4 anos no pasado día de libro.

AS SUXESTIÓNS DE ALDARA

 Aldara da aula de 4 anos suxire tamén unhas cantas lecturas. 

XIÁN SUXÍRENOS CONTOS

 Que ben estamos! Temos novas suxestións de lectura! Desta volta Xián da aula de 5 anos suxire varias lecturas con moi boa pinta. 

LUCAS TAMÉN SE ATREVE CUN CONTO

 Lucas (5 anos) le un conto para Xabi  (3anos) e para todos nós. É un estupendo conto no que hai que ir adiviñando que cousa vemos. Escoitade a Lucas... Fenomenal! 

HÉCTOR SUXIRE E LE UN CONTO

 Héctor da aula de 5 anos e a súa nai len un estupendo conto de dinosaurios. Os dinosaurios gustan moito nesa clase...non é de extrañar. Estupenda lectura, familia!. 

Tamén nos suxiren unha manchea de libros! Graciñas!

ENZO SUXIRE UNHA CHEA DE LECTURAS

 Enzo e a súa irmá Leyre envían unha foto con moitas e estupendas suxestións.