A NOSA PSICOMOTRICIDADE

Ola, papis e mamis! 
Déixovos aquí unha pequena reportaxe de cómo traballamos na clase de “Psicomotricidade”. 
Traballamos  “co noso corpo” para desenvolvérmonos e expresármonos. Daquela, apoiámonos tanto“na música”, para estimular o movemento e para relaxarnos, coma "no xogo”, nesta idade o mellor camiño para aprender.

Este trimestre vimos de traballar co conto "Corre, corre, cabaciña"  que forma parte do Proxecto lector do Centro e fixemos as seguintes actividades:

* Distintos desprazamentos para traballar a coordinación de movementos, o equilibrio e o ritmo.
- Andar coma a avoíña, coma o oso, o lobo e  o león
- Rodar  coma a cabaza
- Bailar o vals do Danubio azul de Johan Strauss
- e desfilar a marcha nupcial de Mendelssohn coma os noivos

*  Motricidade facial e fonética
 Como fai o lobo, o oso e o león

*  Autocontrol
Somos quen de dominar o noso comportamento. Daquela prestamos atención, aprendemos a respirar e a relaxarnos.

*  Estructuración espacial e temporal
Que ocorre antes e que ocorre despois?

*   Lectoescritura.
Traballamos as palabras: oso, lobo, casa, cabaza, avóa e noivos. Algunhas escribímolas co noso corpo.

Deíxovos aquí unhas fotos para que disfrutedes cos resultados. Agardo que vos gusten.

Un cordial saúdo: Paloma

correcorrepilar - diapositivas

correcorreromina - diapositivas

correcorremaribel - diapositivas

correcorreelvira - diapositivas

OS DE 4 ANOS ATRÉVENSE COAS CROQUETAS

Aproveitando o traballo de investigación que estamos levando a cabo na clase de 4 anos sobre a pataca, este mes elaboramos unha receita que tiña como ingrediente principal este tubérculo: “croquetas de pataca”.

Despois de escribir cadansúa receita cos ingredientes e cantidades necesarias, puxémos as mans na masa e…. Como desfrutamos!

Primeiro aplastamos ben a pataca cocida para facer un puré e mentres picamos a peituga de polo en anaquiños. Logo engadimos a mantenga ao puré e remexemos. Cando estaba ben mezclado botámoslle as xemas dos ovos e remexemos outra vez. Por último engadimos a peituga á masa e… listo.

Bueno, aínda faltaba o mellor. Cada un fixo dúas boliñas de masa coas mans e pasounas por fariña, ovo e pan raiado. Con tanto traballo esqueceusenos botarlle a sal ata que empezamos a facer a segunda boliña!!!!!!

So faltaba freilas pero diso encargouse a profe.

Cando arrefriaron un pouquiño todos quixemos probalas. A algúns gustáronlle moito e a outros non tanto.

Se queredes facelas na casa estes son os ingredientes:

·       1 kilo de patacas

·        100 gr de mantenga

·   300 de peituga (ou o que queirades: xamón, atún, espinacas…)

·        5 ovos (3 na masa e 2 para rebozar)

·        Sal

·        Pan raiado e fariña.

Que o desfrutedes!

CROQUETAS4ANOSNOV2013 - foto montaje

BISCOITO DE CABAZA EN 4 ANOS

Como sabedes, no mes de outubro os nenos e nenas de 4 anos estrenámonos como cociñeiros e cociñeiras elaborando un riquísimo biscoito de cabaza, un alimento típico destas datas. Para que poidades facelo na casa aos que vos apeteza, poñemos aqui a receita que traballamos:

BISCOITO DE CABAZA

INGREDIENTES:

-        300 GR DE CABAZA

-        300 GR DE FARIÑA

-        300 GR DE AZÚCRE

-        4 OVOS

-        75 GR DE ACEITE DE OLIVA

-        12 GR DE FERMENTO (ROYAL)

Pasar a cabaza polo microondas uns sete minutos para que abrande e despois triturala coa batidora.

Mezclar os ovos co azúcre.

Noutro bol botar a fariña (mellor tamizada) o fermento, a continuación a cabaza, os ovos co azucre e por último o aceite. Mezclar todo e poñelo no forno a 170ºC durante 50 minutos. Que aproveite!

Mirade que ben o fixeron os pequenos!:

biscoitocabaza4anos - foto montaje

DO SAMAIN AO MAGOSTO

Ainda non rematamos de traballar coas cabazas e o Samaín e xa nos tivemos que meter de cheo no magosto. Así que agora ensinámosvos xa todo  no mesmo día...primeiro a preparación do Samaín e a decoración das cabazas e despois os xogos do magosto. E no medio ensinarémosvos o que desfrutamos cos compañeiros de 4º de Primaria que nos representaron co teatro de sombras o conto "Corre, corre, cabaciña" no que...  como non! os pequenos de 3  anos recoñecemos ao noso amigo o lobo. 

Falando de lobos. Lembrades que os nenos invitarono á festa do Samaín?. Pois vir, veu; e aínda que nas fotos semellamos todos moi relaxados (os choros dalgúns non saen ), non as tiñamos todas connosco e en canto tivemos ocasión liscamos dalí e dixemoslle á profe que puxera un cartel na porta da nosa clase "LOBO NON VEÑAS". Aínda así ollabamos con medo cara ela, non fose ser que volvese...

samaincabazas2013 - foto montaje

pintando cabazas 3 anos - foto montaje

samain e o lobo 2013 - foto montaje

sombrascorrecorre - foto montaje

E despois da festa do  medo chegou a festa das castañas. Non quixemos deixala para o luns, ainda que fora caían chuzos. Como nos gustaron os xogos de outono. Viva San Martiño!

magosto2013infantil - presentacion imagenes

UNHA DÉBEDA DO CURSO PASADO

O curso pasado na aula de 5 anos fixemos unha experiencia preciosa coa MOCHILA VIAXEIRA DO CORPO HUMANO   O caderno viaxeiro  foi rolando de familia en familia e  cada quen foi aportando pequenas pinguiñas de experiencias e de saberes. Prometinvos daquela que dariamos a coñecer a tódalas familias o que anotaran as outras; xa que en especial os que levaron o caderno de primeiros ou o principio do curso non puideron ver o que foron aportando os seguintes. 
Agora por fin e cun pouco de atraso podo subir este caderniño ao blog.
Ah!  e os que ainda mirades o noso blog porque seguides a ter intereses en infantil avisade aos outros pais de primeiro para que tamén o poidan mirar.

O CULLARAPO CROQUE

 Collemos carreiriña nesto de compartir e non paramos. Agora vimos de desfrutar o primeiro noso contacontos na biblioteca tamén xuntos os nenos de 3 e 4 anos. Foi da man de O CULLARAPO CROQUE... poemas-contos ou poemas-cancións; todo ben animado polo autor do libro que tamén nos foi ensinando as preciosas ilustracións. 
Pasámolo moi ben, ainda que nos resultou dificil entender a mensaxe dalgúns poemas. Nós quedámonos co ritmo e as fermosas palabras. 
Fermosa foi tamén a lectura improvisada que a profe Romina tivo que facer dun dos poemas a petición do animador.Leuno tan ben que lle demos un grande aplauso. Foi unha xornada distinta e festiva.

cullarapo croque - diapositivas

UVAS E PINTURA

Compartimos aqui algunhas fotos da feitura do zume de uva e a sesión de pintura posterior que fixemos cos compañeiros de 4 anos. As fotos están recortadas para que saian só os de 3 anos porque...non podo dicilo é unha sorpresa!. 
É un poema ver as cariñas dos pequechos que non saben se desfrutar co machucado das uvas ou concentrarse nas estranas sensación que teñen ao tocalas. De calquera xeito pintar e probar o zume foi estupendo. 

uvasypintura - diapositivas

COMPARTIMOS APRENDIZAXES E LECTURAS

Vimos de empezar o curso e xa estamos compartindo cousas. Os nenos de 4 atoparon un esquelete unha mañá ao chegar ao cole e enseguida viñeron contarnos quen era. Era Anacleto -dixéronnos- pero nós que somos novos nestas cousas non puidemos mais que poñer caras de asombro. Aqui vedes como nolo presentaron .

Días despois compartimos unha experiencia coas uvas que xa vos contaremos e tamén viñeron contarnos o primeiro conto que traballaron:  LÚA. Mentres a profe ía pasando as páxinas eles narraron todos xuntos o conto. Gustounos tanto que nolo emprestaron para que o disfrutasemos e agora nós tamen  temos aprendido a lelo.

Queredes ver como é?. Non vos preocupedes. Estades todos invitados a ver e escoitar este fermoso conto que con moito agarimo fixeron os nenos e nenas de 4 anos.

A NOSA PRIMEIRA EXCURSIÓN. 3 ANOS.

O día 27 de Maio os nenos de 3 anos fixemos a nosa primeira excursión. Saímos cediño do cole con moita ilusión para coller o autobús que nos levou ao Muiño da Regueira. Ali estaba Ventura quen nos amosou como funciona un muiño de auga.
Despois puxemos rumbo á pastelería Massini, pois alí nos estaban agardando para por as mans na masa.
Fixemos croissants, boliños, figuras de mazapán e.... despois de tanto traballar merendamos roscón e chocolate quentiño. Que bó estaba todo! 
Moitas grazas pola vosa desinteresada disposición. Foi un día fabuloso!

primeiraexcursion3anos - foto montaje

OS DE 3 ANOS VIAXAMOS Á PREHISTORIA

Desta vez os nenos de 3 anos demos marcha atrás no tempo e chegamos ata a prehistoria. Fixemos manualidades coma os homes e mulleres daquela época: sopramos pintura, fabricamos pinturas naturais, fixemos útis de plastilina... e Uxía López amosounos como fabricar unha machada cunha pedra, un pau e unha corda.

prehistoria3anos - presentacion imagenes

O LIBRO VIAXEIRO

Erase unha vez cando o curso ainda estaba dando os seus primeiros pasos un cole que decidiu inventar un conto entre todos e ademais facelo a un tempo en galego e en inglés. 
A historia empezou a medrar cos mais pequenos do cole e foi pasando de aula en aula e volvendo sempre á  aula de inglés ata que se fixo tan grande que houbo que porlle fin. Daquela xa estabamos chegando ao 23 de abril, Día Mundial do Libro así que a envolvimos nun bonito formato, feito por cada quen de nós, gravamos a historia coas nosas propias voces e convertímola en vídeo. Despois,  deixámola  na entrada do cole e no blog  para que todos poidades disfrutar dela. Antes marchamos todos á biblioteca para poder ver xuntos o resultado.

Ah esquecíame o conto chámase...
A FOLLA VIAXEIRA

CELEBRAMOS O DIA DO LIBRO CONFECCIONANDO UN GRAN MURAL

Vimos de confeccionar entre todos os cursos de infantil un gran mural que xa podedes disfrutar no corredor da planta baixa. Non é un mural calquera. Ten un enorme traballo detrás que comezou hai algún tempo coa lectura na biblioteca do conto "A casa da mosca chosca". Como todos sabedes este conto entusiasmounos e dende aquela non fixemos mais que falar e falar del nas aulas, xogar cos personaxes, debuxalos e disfrutalos ata que nos decidimos a facer un exercicio de imaxinación... As profes propuxéronnos inventar un final diferente para o conto. Puxémonos mans a obra e velaiqui o tedes. Conseguimos facer non só un final diferente, senon  catro!!...que digo catro!. Tamén cada personaxe do conto quixo pensar o final que mais lle gustaría; porque estaba claro que ninguén queria quedar sen tarta...Foi así? Ollade no noso corredor porque nas fotos é un pouco dificil.

muraldialibro - diapositivas

SEMANA DO LIBRO

Na clase de 5 anos ademais de confeccionar o mural conxunto cos outros compis de infantil co gallo da celebración do Día Mundial do libro,  estamos a vivir unha experiencia moi especial. Os nosos compis de 2º de Primaria están a lernos os contos que fixeron na aula. Convertironse en escritores e ilustradores das súas propias historias e agoriña en lectores e animadores da lectura. É algo que imos desfrutar unha boa tempada porque son moitos e ninguén quere perder esta oportunidade que lles brindamos como "escoitadores" e partícipes da súa creatividade e é algo que lembraremos todos durante moito tempo.
Comezamos a poñer aquí as primeiras fotos do acontecemento pero sabede que non serán as últimas.
 

contos5-2 - diapositivas

OS VERMES MEDRAN

Quen dubidou se con tanto frío e chuvia co que se iniciou a primavera os vermiños non quererían sair do ovo, trabucouse; porque o ciclo da vida está en marcha e os vermes xa empezan pequechiños como son a rilar e a medrar. Ainda que vós non o vexades ben, nós xa lle notamos diferencia. Claro, este ano xa temos mais experiencia!.

POR FIN, TERRI ESTÁ DE VOLTA!

Tan emocionados estamos nestes últimos tempos que se nos esqueceu darvos a boa nova. Hai dúas semanas cando estabamos falando, como tódalas mañás, descubrimos agochada unha caixa que nos pareceu familiar. Tivemos un momento de dúbida atá que algún compañeiro mais espilido berrou: "Terri, Terri! É a caixa que lle mandamos a China!" e daquela o barullo foi xeneral. Que emoción! Non dabamos aberto a caixa. Menos mal que Saúl colleu unha tixeiras... E que atopamos dentro? Sí, as tan agardadas sementes de castiñeiro chino!. Non o dubidamos. Pedímoslle á Sol que nos axudara para conseguir terra e macetas e veña a plantar sen mais espera porque a primavera vai para diante e queremos ver as nosas arboriñas antes que remate o curso.
Claro que Sol tamén nos regalou sementes de albahaca para que nos entretivesemos mentes agardamos acontecementos.
Pero como as experiencias na nosa clase nunca chegan de unha en unha, non pasou moito tempo ata que Estela apareceu cunha nova sorpresa... laranxiñas da China! que lle deu a súa avoa para nós. Como podedes imaxinar comémolas e apresurámonos a gardar as sementes para seguir plantando. Non vos extrañedes se dentro dun tempo medran no noso patio dúas novas árbores: un castiñeiro chino e máis unha laranxeira da China.

terrivuelve - diapositivas

A PRIMAVERA. FLORES E VERMES

Coa chegada da primavera os de 3 anos decidiron plantar unhas flores, pero... que necesitamos? 

Como xa tiñan algunha idea dixeron: “sementes, terra, auga”. Ademais, a profe pensou que facer unha maceta tamén era preciso. Gardamos os vasos de iogur que viñan para as merendas e, cando xa tivemos suficientes,  cada neno e nena diseñou a súa maceta con papeis de cores. Quedaron chulísimas!. Despois tocaba enchelas de terra, poñer as sementes de pensamentos e petunias e un pouquichiño de auga. Temos que lembrarnos de regalas tódolos días; por iso, o engargado/a terá unha nova responsabilidade. Agora toca agardar con ilusión que saian.

Por outra banda, o luns ao chegar ao cole levamos unha sorpresa cando descubrimos que dos ovos de bolboreta que nos deron os nenos de 5 anos sairan VERMES DE SEDA!. Enseguidiña puxémoslles follas de moreira para que coman e medren.

plantas3anos - diapositivas

PITIÑOS E COELLOS

Ollade que contentos recibiron os nenos de 3 anos a estes  animaliños que chegaron a súa aula por sorpresa. Nada mellor para rematar o traballo sobre a granxa. 

 
pollitos y conejos - presentacion imagenes

MAIS SORPRESAS: OS OVOS SAÍRON DA NEVEIRA

Tranquilos, non saíron sós porque aínda non teñen patas. Lembrades os nosos vermes de seda que tivemos na clase de 4 anos. As bolboretas puxeran ovos e a profe gardounos todo o inverno para que puidesemos ve-los eclosionar cando estiveramos na clase de 5. Por fin chegou a primavera e a nosa moreira empeza a sacar follas, asi que chegou o momento.
Que sorte tivemos!  Coas présas e para non estragar ningún ovo a profe tamén metera na neveira algunhas bolboretas secas e os capullos que fixeran os vermes. Daquela o venres adicámonos a lembrar aquela experiencia que con moita ledicia estamos dispostos a repetir.
Ah, pero agora quixemos compartir uns poucos ovos cos amigos da clase de 3 que tamén se puxeron moi contentos.
Ollade!
 

OVOS SEDA - foto montaje

AUGA PARA TERRI

Tamén antes das vacacións Terri mandounos unha nota pidindonos que nos espiliramos xa, que a primavera estába chegando e as sementes tiñan que ser plantadas.
Dito e feito. Ao día seguinte de ler a nota de Terri, Estela  trouxo un termo con auga quente, -como xa fixera Silvia aquel día que andabamos a matinar como conseguir que non se lle enfriara a auga na viaxe de volta-. O certo foi que deixamos a auga no termo un día para face-la comprobación e descubrimos que  se enfriaba de contado. Como non podíamos usar a enerxía solar porque non deixaba de chover, decidimos volver meter auga quente no termo e pedirlle a Tica que levara o noso paquete coa súa maxia o mais rápido posible atá China (porque xa se sabe que nos avións non deixan levar moitos liquidos). 
Preparamos todo:  Estela quentou a auga, Lucía trouxo outro termo por se non chegaba con un, puxemos periodico na caixa para que os termos estiveran mais quentes e pechamos todo poñendo no paquete ben claro URXENTE TERRI  MURALLA CHINA PETÍN (bueno é que se trabucaron ao querer poñer Pekín) e o deixamos alí xunto con tódalas nosas mensaxes para Tica e Terri.

TERRI AUGA - foto montaje

Agora que xa volvemos das vacacións atopamos unha carta de Terri na que di que todo chegou perfectamente e que enseguidiña virá de volta coas nosas sementes de castiñeiro chino. Bravo por Terri ! ,pero que non esqueza devolvernos os nosos termos.

A VACA QUE ÍA CONTAR UN CONTO

 
Hai tempo, antes das vacacións trouxéronnos un cartel á clase no que unha linda vaca dicía:  "Iago. Contacontos 4 de abril ás 11´45" 

Como é normal estivemos pensando en que significaría todo aquilo e enseguidiña puxémonos de acordo...Aquela vaca que se chamaba Iago íanos contar un conto ese día e a esa hora. 
Foron moitas veces ás que lle preguntamos á profe:
... E hoxe o día da vaca? 
Ata que xusto o 4 de Abril foi ela quen dixo:
... Hoxe é o dia da Vaca. Bulide que nos agarda na biblioteca!.
Cando chegamos alí descubrimos Oooh! que era un rapaz o que ía contar o conto, pero siii! a vaca era a protagonista.
Divertímonos a eito porque Iago resulto ser un boísimo contacontos e fíxonos pasar un tempo estupendo.
Ah, "Linda a espreita" chamábase o conto.

LINDA A ESPREITA - foto montaje

HORTO 3 ANOS

Mentres estabamos aprendendo moitas cousas da vida na granxa, un bo día de sol fomos ao horto do cole a plantar sementes de herbillas que eran rosas.
Para plantar puxemos con coidado a semente no caminiño, botámoslle un pouco de terra enriba e para rematar regamos con auga. Aproveitando a ocasión tamén plantamos un pequeno membrilleiro.
Agora toca esperar!

HORTO 3 ANOS - foto montaje

A GRANXA DOS DE 3 ANOS

Nas últimas semanas os nenos de 3 anos convertíronse en granxeiros e granxeiras e descubriron que nunha granxa hai unha morea de cousas que facer na horta e coidando os animais. 
Entre todos fixeron un mural xigante para que colleran tódolos recortes. Que chulo!
Tamén foi xenial a sorpresa que trouxo Adriana de parte do seu avó: un gran feixe de plumas de distintas aves! Observámolas, compartímolas, tocámolas e tamen xogamos con elas a facer cóxegas.

A GRANXA 3 ANOS - foto montaje

A CASA DA MOSCA CHOSCA

Hai luns que paga a pena vir ao cole (eu diria que todos, pero algúns mais que outros) e hoxe foi un deses luns.
Non ben entraramos pola porta e xa atopamos unha misteriosa nota na que unha misteriosa personaxe nos invitaba a ir á bilioteca. Na clase de 5, Lucas púxose a lela en alto, pero ninguén se decidía a erguerse da cadeira. 

Daquela entraron os de tres anos en tromba dicindo que eles tamén tiñan unha nota; pero na súa non era unha moucha quen os invitaba, senón unha mosca. 

Seica o mesmo pasou nas clases de 4 anos porque cando chegamos á biblioteca eles xa estaban alí. Disque un sapo mais un lobicán lles dixeron que algo ía pasar ás 9 e cuarto.
Na biblioteca descubrimos que alí pendurado na pizarra había un  conto... "A casa da mosca chosca".

Auri non o pensou dúas veces e moi lixeira botouse a contárnolo. Que bonito foi e como nos gustou!

 PREMEDE AQUI


Despois a pregunta que fixo Estela antes de marchar da biblio quedou no ar e os de 5 non perdemos ocasión de pescudar naquel misterio. 
Como fixeran as personaxes daquel conto para sair e escribirnos a invitación?
 O diálogo hoxe durou unha hora, todos interviron e ningúen semellaba  estar canso. 

PROXECTO DRAGONS

Como os pais de cinco xa sabedes mentres Terri non volve de China témonos embarcado nun novo proxecto sobre dragóns. A culpa foi súa, coma sempre, xa que alá no pais oriental fixo un amigo e como non! o seu novo amigo é un dragón que vive alí na muralla. 
Asi que a nós entrounos moita gana de saber mais cousas sobre os dragóns e mesmo sobre os dragóns chinos.
Cando nos puxemos a falar descobrimos que xa sabiamos moitas cousas do tema, ainda que tamén temos cousas que podemos investigar.
O noso recuncho de dragóns está agora medrando con contos e cousas  que están chegando dende as vosas casas e que seguro  nos axudarán a aprender moito.

De momento deixovos algunha foto de  como vai empezando o noso novo traballo.

PREMEDE AQUI

DISFRAZAMONOS POLO ENTROIDO

O disfraz de entroido de 3 anos "O sol" que nos da luz e calorciño de forma gratuita e sen contaminar ó noso planeta.
Mirade, mirade...

traballoentroido3anos - presentacion imagenes

TERRI PIDE AXUDA

No medio de todo isto  da troula, do aforro de enerxía e do entroido - e como Terri segue na China e alí teñen problemas de auga- chegou unha mensaxe urxente na que nos pedía que lle mandaramos auga  e por riba quente!.  
Xa conseguiu as nosas sementes pero como son moi delicadas precisan dalguns cuidados na viaxe de volta.  
A ver como imos facer para mandarllela auga no correo e que non se lle enfríe polo camiño!. As cabezas  empezaron a pensar e sairon delas todo tipo de ideas que nos fixeron pensar en enerxías como a eólica ou a solar (de ahi sacamos o disfraz de entroido)
O mellor foi cando Silvia chegou ao día seguinte cun termo de auga quente para Terri...
        - problema resolto! -dixeron todos (ainda que moi lonxe da solución que tiña pensada a profe).

Iso semella, -sí sí problema resolto-, pero dame o nariz que ainda nos agarda algunha sorpresa...

Coma sempre entusiasmoulles recibir novas de Terri e pelexaron, coma sempre tamén, por ler a  súa carta. Claro que non poideron sair todos nas fotos...

A VIAXE Á CHINA NA CLASE DE 3

A nosa aventura por China rematou, pero coma en toda viaxe, aquí temos algunhas fotos de recordo. 
Que ben o pasamos!
 

china3a - presentacion imagenes

A NOSA MURALLA CHINA

Despois de moito traballo a muralla estaba lista para estrear e en canto puidemos non o pensamos dúas veces...Colocámola entre as dúas portas das clases de 3 e 5 - os constructores- e puxémonos a pasear por ela dun lado a outro. Que ben o pasamos!


FOTOS DO PASEO 
 Premede para velas

SEMANA DA TROULA

Antes  do entroido fomos de troula... E menuda festa! durou toda a semana. Vede como nos puxemos de guapos.

 OS DE 5 ANOS

OS DE 4 ANOS A

OS DE TRES ANOS 
PREMEDE PARA VE-LAS FOTOS

PAZ E ENERXIA

Imos ver se empezamos a poñer no blog as cousas que foron pasando ao longo deste mes de febreiro.

Empezamos pola charla sobre o aforro de enerxía á que fomos invitados xunto cos nenos do 1º ciclo de Primaria. Ali coñecemos a Verdello, quen nos quixo explicar como podemos facer para coidar o noso planeta. A receita era sinxela un pouco de aforro de aquí e outro pouco de alá e usar enerxías limpas. A enerxía da auga e do sol como sabedes foron as nosas favoritas


FOTOS CHARLA ENERXÍA

AUGA PARA COMPARTIR

NA SEMANA DA PAZ ESTABAMOS POUCOS PERO PUXEMOS A NOSA PINGUIÑA PARA COMPARTIR COS OUTROS NENOS DO PLANETA

FESTA DA PAZ 2013

O 30 de Xaneiro nós -os nenos de 3 e de 5- celebramo-lo día da paz como mellor sabemos: disfrutando e compartindo cousas cos nosos amigos. Non estaban todos; algúns estaban maliños e botámolos de menos. Outros, os de 4 anos, non puideron estar por culpa dos horarios diferentes que temos e tamén os botamos de menos. 
Nós xuntámonos para festexar, merendar xuntos, xogar xuntos, pintarnos xuntos un corazón da paz e agasallar ós amigos cuns preciosos regalos. Como todos estamos traballando algo de China que mellor que regalármonos un farolillo chino e unhas máscaras chinas. 

Ademais agora que sabemos que estás cousas son importantes nas celebracións da China mesmo podemos enseguidiña organizar outra festa mais. 
Que tal cando inauguremos a muralla que estamos a construir?

VOLVEMOS AO COLE E...IMONOS A CHINA

A volta das vacacións sorprendeunos  cunha "triste" nova... o noso castiñeiro do patio, - compañeiro de tantas aprendizaxes- xa non estaba. Alguén o tallara de todo. 
Non eramos quen de comprender o que sucedera ata que a profe enterouse de que estaba maliño e houbo de ser eliminado.
Pensamos en reconstruilo; daquela recollimos tódolos cachiños que quedaran no patio pensando en como íamos facer. 

Foi entón cando Terri marchou volando do noso lado e mandounos unha carta dende a China. Alí á beira da Gran Muralla seica podía atopar sementes de castiñeiro chino que semellan ser mais resistentes. 
Coma sempre fomos contarlle as boas novas ós compis de 3 anos. Que sorpresa levamos¡...Eles estaban a investigar cousas da China tamén e ían facer unha muralla en tamaño pequeno.

Como nos gusta moito compartir experiencias e aprendizaxes (e axiña ven ahí a festa da paz que nos lembra que é moi bó  axudarnos uns a outros) decidimos  facela con eles. Dito e feito; deseguida puxémonos todos xuntos a pensar. 
As fotos que vos deixamos son deste proceso de planificación. Despois pouco a pouco irémosvos ensinando como vai quedando a cousa.

muralla1 - presentacion imagenes

NADAL NA CLASE DE 3 ANOS

Na clase de 3 anos estiveron moi ocupados polo nadal. Ollade senon este vídeo onde poderedes ver o moito que traballaron e o ben que o fixeron.