Fai unha semaniña que Vivindo volveu a pasarse pola nosa escola. Primeiro enviounos unha carta onde nos contaba que lle gusta moito a percusión, e nela había unha foto dun músico que tocaba a batería cos pes. Xa nos deixou intrigados toda a semana...
Esta sesión estivo chea de música; cantamos a canción "en mi tribu" facendo percusión co propio corpo, creamos instrumentos nas distintas estacións propostas e fixemos un gran concerto xuntos, dirixidos pola ruleta máxica que nos indicaba que instrumentos tiñan que tocar.
Ao final, vimos un vídeo sobre un concerto no que participan persoas con diversidade funcional e tamén aparecen imaxes de deportes paralímpicos. Este serviunos para conversar e reflexionar un pouquiño.
Foi un obradoiro cheo de ritmo!!!
Ningún comentario:
Publicar un comentario