Este trimestre compartimos unha chea de experiencias que agora que temos chegado ao final ímosvos lembrar.
A primeira festa que celebramos xuntos foi o Samaín.
Primeiro baleiramos cabazas seguindo a tradición e deixámolas ben limpiñas para poder transformalas en calacús. As sementes gardámolas para plantalas na primavera. Xa vos contaremos. Despois desfrutamos da festa de Samaín. Cos nosos compañeiros de todo infantil disfrazámonos e fomos pasando polas aulas onde as profes agardábannos cunha sorpresa... Sonia contounos un arrepiante conto de monstros e na clase de Charo tiñan preparado un baile que tivemos que esforzarnos en aprender axiña.
Despois chegou o intre de leva-los calacús á exposición de outono e fixémolo cun divertido "ritual" que recitamos unha e outra vez ata que tódalas caveiras estiveron no seu lugar. Como remate da festa miramos o vídeo do conto "Carabuñas" contado por uns peques coma nós. Encantounos.!
Estas cosas de pringarse hasta los codos les encantan!!!! y a ver luego si con las pipas se consigue algo... ;)
ResponderEliminar