A semana semellaba tranquiliña. Moitos compañeiros faltaban; os que quedabamos non estabamos moi ben e pensabamos pasar a semana esperando a recuperar a normalidade.
No noso calendario de cumpreanos descontabamos xa as últimas xornadas antes do cumple de Paula e ela sumaba nervios.
De súpeto, comezaron a sucederse as novas. Para empezar entráronnos gañas de coñecer que faro tiñamos que traballar este trimestre. Xa había uns días que Metalmoucho mandara a súa carta, pero Pilar quería esperar. É igual!- dixémoslle- xa lles contaremos todo despois aos compis que están maliños!!.
Dito e feito, desplegamos a nosa maxia no ordenador e aínda que nos costou un chisco... (bueno, non foi á primeira, nin á segunda...a sexta vez que probamos xa o descubrimos!) agora xa sabemos que a nosa próxima viaxe vai ser ó Faro de Ortegal no cabo Ortegal (xa vos explicaremos ben onde está). Como estamos moi "competitivos" enseguidiña quixemos deixar a nosa mensaxe a Metalmoucho. Non podía ser outra...Somos os primeiros!
Na mesma mañá, os compis de 2º trouxéronnos unha invitación para un contacontos. Que emoción! Non nos daba chegado o martes!
Ao día seguinte, cando estabamos preparados para ir á biblioteca, tivemos outra sorpresa. Sen avisar (o iso pensamos nós) veunos visitar a nosa amiga Elsa, aquela que nos falou hai tempo da igualdade entre nenos e nenas. Agora traía un novo conto e un misterioso termómetro. O conto, "Maruxa" , encantounos. Algúns xa o coñeciamos. Co xogo emocionámonos gañando puntos. Aprendemos que a palabra correcta na casa é "colaborar"; que as tarefas repártense e fanse entre todos e que nós, aínda que sexamos pequenos, temos moito que facer para colaborar na limpeza e na orde. Ademais os amigos de 2º prometeron repetir o conto e así poidemos desfrutar desta nova actividade tranquilos.
As emocións non remataron. O mércores viñéronse presentar os padriños e madriñas e soubemos que iamos ter padriños e madriñas de tódolos tamaños e cursos.
Despois do recreo fomos á biblio e desfrutamos cos nosos amigos "contacontos". Pasámolo xenial! Mirade na outra entrada.
O xoves non pasou nada (fora do normal), menos mal!
Por fin, o venres chegou o cumple de Paula que tivo un agasallo máis dos que esperaba...que o seu aniversario coincidise coa actividade dos "Padriños". Pero se queredes ver estas fotos teredes que ir ao blogue da biblio.
Non parades!! Cómo facedes?? Grazas polas imaxes :-)
ResponderEliminar