Diante nosa, dende a praia, estamos a mirar estas impresionantes dunas. Son enormes e moi antiguas. Xa existían canda os dinosaurios!
Antes de subir por elas imos botarlle unha ollada...
e imos escribir xa no mapa o nome desta praia onde atopamos cousas tan interesantes.
Xa sabedes, copiade o mapa; non fai falta imprimilo, e nunha tiriña de papel escribide
COSTA DOS ESQUELETES que é esa franxa laranxa que marcamos. Non perdades a folla porque seguiremos a marcar os seguintes sitios onde vaiamos.
AS CORES DO DESERTO
Este deserto é moi especial. Se vos fixades ben ten unha morea de tonos da mesma cor.
A area das dunas semella laranxa, pero tamén ten amarelos escuros e claros; na beira da praia é cáseque branca.
Podedes hoxe facer estas cores. Ides facer o fondo dunha paisaxe de deserto. Se mesturades pintura amarela máis clara e máis escura e lle poñedes, tamén, un poquiño de marrón ou vermello, iredes conseguindo os distintos tonos. Se tamén lle engadimos area, pan raiado ou algo que lle dea o efecto rugoso xa temoso efecto completo. Collede unha folla e pintade franxas diferentes coas diferentes cores. Xa outro día poñeremos alí algúns animaliños.
XOGANDO COAS FORMAS
Hoxe imos facer formas e xogar coas liñas.
Collede plastilina o
algunha pasta de modelar. Tamén poderíamos usar pauciños, tiriñas de cartón ou fios de lá.
Os maiores podedes facer primeiro as formas xeométricas e escribir os seus nomes en tiriñas de papel. Despois, xogade a recoñecelos e colocalos no lugar correcto. Podedes facelo varias veces.
Ningún comentario:
Publicar un comentario