PROPOSTA PARA O LUNS 11 DE MAIO

DIARIO DE NAVEGACIÓN      DIA 54

Xa non aturamos máis. Hai que baixar a explorar esta costa. TIMONEL, VIRE A BABOR A MODIÑO!. Imos arrimarnos o  máis que poidamos á praía. Que dunas máis fermosas! Cantas cousas para mirar na area! Por certo, sabedes o que é unha duna?

Está preparada a barca para achegarnos ata a beira?. Non fagades ruido, semella que non hai leóns agora na praia... Mirade que pisadas na area. Collede as lupas. De quen poderán ser? 

Agardade, non podemos baixar con estes pelos!

IMOS Á PERRUQUERÍA

Apetécevos? Pois imos aló. Para facer este xogo precisamos tubos de papel hixiénico, papeis variados (xornais, revistas ou calquera que teñades pola casa), pegamento e tesoiras.

Imos crear os clientes para a nosa perruquería, para iso temos que enrolar varios papeis e pegalos pola beira do tubo de papel hixiénico. Debuxamos unha cara no tubo e...veña!... a facerlle un peiteado que lles guste!. Ánimo perruqueiros!

Tamén podedes facer o propio pelo co tubo de cartón, pero é máis duro para cortar.

CREMA SOLAR E CANTIMPLORA

Se vos sobra un tubo de papel de cociña,  podedes pechalo por un dos lados. Despois, pintádeo de branco (ou a cor que queirades) e debuxádelle un sol con outra cor.  Na parte aberta teredes que pegar un papel que faga de tapa. Tamén podedes pegarlle o tubo debuxado e coloreado nun papel aparte.

Para a cantimplora será suficiente que a debuxedes e pintedes. Cando rematedes pegádea nun cartonciño fino para que aguante mellor e colocádea xunto co tubo na maletiña de explorador que estabamos preparando. Lembrade que xa tiñamos feita a lupa. Hoxe non podemos desembarcar sen ningunha das tres cousas.

 

MATES: TENDAL DE CANTIDADES

Colledes uns cadrados de papel e debuxades puntos: un, dous tres, catro, cinco, ...parades cando queirades. Cantos máis fagades, máis vos entretedes.

Despois, remexede os papeliños todos e nunha corda (ou nun sitio no que os poidades suxeitar con pinzas) ide facendo o voso tendal de cantidades.

Podedes ir colgándoos de menos a máis, ou de máis a menos.

Tamén podedes colgalos desordenados e ir acomodando despois á orde correcta.
Os maiores podedes pegarlle por detrás o número e xogar unha vez  a ordenar cos pnntos e nunha segunda quenda a ordenar números. E mesmo combinar números e puntos!.

OS SONS DA NATUREZA