PROPOSTA PARA O MARTES 9 DE XUÑO

DIARIO DE NAVEGACIÓN      DÍA 81

Ollade por onde navegamos. Premede en cada páxina que aparece abaixo para avanzar na presentación.
DE MADACASCAR A BORNEO

Borneo é o fogar dos orangutáns, que están en perigo de extinción pola deforestación da súa selva. A eles encántalles a froita. Comen moitas froitas exóticas do seu pais e ademáis outras máis coñecidas para nós. A ver se sodes quen de averiguar que froita compartimos con eles?
Coa froita conseguen moitas vitaminas e moita auga!




Que selva tan bonita! Non esquezades  o CADERNO DE NATURALISTA. (continuación do de onte)
Seguide procurando nomes de árbores, frores ou herbas. Podedes preguntarnos os nomes que non saibades e enviarnos fotos das que coñecedes, tamén. Queremos sabelo todo!

EXPERIMENTO COA FROITA
Hai tempo fixemos un experimento coas cousas que flotan e as que non o fan. Daquela fixéstelo moi ben. Hoxe imos concentrarnos nas froitas.

O primeiro é coller varias froitas que teñades na casa e facerse preguntas con elas.

Flotará unha laranxa? e unha mazá? Apuntade o que vós credes e despois...

Collede un recipiente con auga e ide metendo unha por unha as froitas. No papel deberedes apuntar o que sucede e comprobar se acertastes ou non. Tamén podedes, como fixemos a outra vez, colocar nun plato as que floten e noutro plato as que non o fan.

O seguinte é facer hipóteses... Por que unhas flotan e outras non?. Observade  como é cada unha e que teñen de diferente e ... a pensar!

Os que queirades podedes seguir experimentando. Algunhas froitas deixan de flotar se lles quitas a pel . Comprobádeo cunha laranxa, un limón ou unha tanxarina.

Cando rematedes non deixedes de comer froita. Xa vistes que é moi importante!

XOGANDO COAS FORMAS DE NOVO
Xa vedes que aprender as formas tamén nos parece importante. A foto que vos deixamos non ofrece  dúbida do que queremos que fagades. 
Volvede navegar pola casa na procura de obxectos de  formas, cores e tamaños diferentes. Despois fabricade un pequeno taboleiro co nome ou o debuxo da forma e poñedévos a clasificar. Os maiores podedes engadir tamén debuxos para a cor e o tamaño.

MÓVETE EN CASA

Se queredes, podedes xogar a este xogo na casa .Ten moitas actividades e moi completas. Podédevos divertir en familia.

INSTRUMENTOS DE PERCUSIÓN