PROPOSTA PARA O XOVES 2 DE ABRIL

DIARIO DE NAVEGACIÓN DIA 16

Un día máis, un reto máis. 

Chegados ata aquí e cumplindo tan ben os pasados retos, agora non podemos parar. A vida no mar é moi dura, pero hai que seguir aí loitando contra vento e marea.

Pero, antes, temos unha postura pendente do reto do Mariñeiro de Augas

Toca poñer esta ...

Hoxe é a quenda do MECÁNICO. Imos ver que argallou.

Reto 1/

Unha das  ferramentas que máis usa un mecánico é o desparafusador... que non sabedes o que é.? Haberá que preguntarlle aos expertos. Veña, ...!  Imos darlle unha pista ós despistados.

 Eses vellos barcos enferruxados están cheos de parafusos.!

Tedes que explicarnos como funciona un desparafuxador. Podedes facer un debuxo onde vexamos o seu uso, pero o mellor será que nolo expliquedes cun audio ou cun vídeo, como eses tutoriais de instrucións que moitas veces consultamos.

Reto 2/

Nun barco hai moito que medir se queremos ir facendo os apaños precisos. Collede papel e poñédevos a buscar os tubos que haxa na casa (calefacción, lavabo, fregadeiro, ducha... ) e pensade unha maneira de saber canto miden.

Tamén teredes que facer unha áncora. Recortádea, se aínda podedes imprimir,  pegádea nun cartón  e forrádea co que teñades pola casa. Se non podedes imprimir teredes que debuxala, máis ou menos.

Ata aquí os retos de hoxe.

Ágora algo máis para que pasedes o día

OBXECTOS QUE FLOTAN

Collede unha bañeira con auga e unha chea de obxectos diferentes: pinzas de madeira, plástico, pelotas, peines, xoguetes pequenos, canicas, plumas, culleres, chaves etc. (De distintos pesos e materiais). Ide meténdoos na auga e observando o que ocorre...flotan, non flotan? Podedes coller dous platos onde vaiades colocando uns e outros. Vai ser unha información moi importante para a nosa viaxe.

Os máis expertos podedes pesar os obxectos nunha balanza e tratar de adiviñar se flotarán ou non.

EXPLOSIÓN DE CORES 

Este é un experimento que non estamos seguros de que poidades facer. É posible que non teñades os ingredientes. Os que poidades fenomenal, ós demáis xa o faremos cando volvamos ao cole.

AQUI


CADEIRAS MUSICAIS

Colocade en círculo  cadeiras. Necesitades unha cadeira  menos que a cantidade de xogadores. Poñede música. Os xogadores bailarán arredor das cadeiras. Ao parar a música teñen que se sentar. O que quede sen cadeira queda eliminado. Non esquezades ir sacando unha cadeira de cada vez.

Tamén se poden poñer coxíns no chan.

Pódese xogar cantas veces queirades. Aos máis pequenos e  aos  que lles custa perder, pódeselle dar a oportunidade de “protagonizar algo” (ser os que paren a música, os que saquen a cadeira...)

Se sodes poucos na casa (2 ou 3), facede o xogo completo varias veces e ide apuntando quen gaña de cada vez. O gañador absoluto é o que chegue a 3 ou o número que decidades.