PROPOSTA PARA O VENRES 3 DE ABRIL

DIARIO DE NAVEGACIÓN DÍA 17

Chegamos ao derradeiro personaxe da tripulación, o máis importante, o que goberna o barco. Daquela os retos teñen que ser un pouquiño máis difíciles, pero cada ún que os faga como poida.

CAPITÁN

Reto 1/

O primeiro é facer unha brúxula. Sen ela non nos podemos aventurar na mar. Podiamos poñervos un debuxo para colorear, pero o que ides ter que facer é seguir estas instruccións porque un capitán ten que saber sair do paso.

AQUI volas deixamos e poñédevos...mans á brúxula.

Bueno e supoñemos que saberedes que é iso do norte e do sur.!

Reto 2 /  Un bó capitan ten que coñecer os 7 mares e tódolos continentes do planeta. Eso é o que ides demostrar.
 Imos darvos un mapa para que nos amodedes os lugares polos que ides navegar.  Deixámosvos 2 mapas: un coas palabras para que poidades pegar encima as que recortedes (pódenvos axudar) e outro completamente mudo por se algún valente aspirante a capitán se atreve a  poñelas el/ela soiño, aínda que llas recorten. Podedes colorealo se queredes. Buscade as palabras iguais e preguntade como se chama cada continente.

Ata aquí o reto de hoxe
Agora dúas cousiñas máis para vos entreter

TRAZOS LAMBÓNS

 Enchede uns cacharriños con pezas pequenas que teñades...pedriñas, pompóns garavanzos, boliñas, boliñas de papel,...

O que tedes que facer  despois é debuxar algunha forma ou trazo nun papel ou cartolina e ir colocando por riba  esas cousiñas, as que teñades para poñer. Irán formando un camiño divertido. Aquí tedes unhas ideas, pero podedes facer todo o que queirades.

O CAPITÁN DÍ

Este é un xogo de dar ordes e vos queredes ser capitáns. Así que a ordenar!. 
Ides ser os xefes dun xogo no que todo o mundo ten que facer as cousas como  vos as digades.

O capitán dí que... toquedes o nariz. E todo o mundo ten que tocalo.
O capitán dí que...movades as pernas. E todo o mundo ten que movelas.

Veña a ver se sodes quen de xogar e  gobernar!