PROPOSTAS PARA O LUNS 30 DE MARZO

DIARIO DE NAVEGACIÓN DIA 13

Ola, navegantes! 

Comezamos a nosa 3ª semana de preparación da viaxe e temos que mirar se estades ben preparados  ou non. Temos xa... caderno de bitácora, barco, maleta, roupa,  tripulación... e moitas gañas de viaxar. Pero, ...falta “probar” as vosas habilidades e completar  uns poucos detalliños que nos permitan zarpar.

Esta semana teredes que ir cumplindo uns RETOS que vos imos propoñer. Temos para tódolos gustos:  retos para aspirantes a mariñeiros, cociñeiros, mecánicos e, claro, capitáns e capitanas!.

-Podedes escoller un personaxe e facer os seus retos

-Podedes facer retos “salteados” pica  e pica, coma se fosedes Cocorico

-E Podedes facelos TODOS, iso queda para os máis valentes que levarán un certificado de LOBOS DE MAR.

Todos levaredes un pequeno agasallo polo voso esforzo, pero aínda non vos imos dicir cal é ...primeiro teredes que cumplir cos traballiños!.

Atendede ben que as instruccións non son sinxelas.

Ides ter un cartón de bingo cos personaxes protagonistas dos retos: 2 retos por cada ún.

Cando cumplades un reto poñede un sinal na casilla do personaxe cun rotu ou lápiz. Se non queredes/ou non podedes imprimir o cartón de bingo apuntade o reto que fixestes no caderno de bitácora e decídenolo. Nós marcáremolo por vos e colocarémolo no blog para que o vexades.

Iremos revelando as tarefas dos retos pouquiño a pouco. Vós podedes facelos ao longo de toda a semana, cando poidades. Non ten que ser o día que o publicamos.

RETOS PARA O LUNS

COCIÑEIROS

Reto 1

Tedes que facer algo na cociña co permiso das vosas familias. Dámos 3 opcións. Podedes facer unha, ou dúas ou as tres. As que queirades. Facede fotos. 
Cociñade...

-zumo de laranxa

-batido

-bocata

Podedes tamén facer un debuxo ou escribir a receita. 

Reto 2

-Imos facer unha ensalada moi especial...Collede unha folla, debuxade un plato e seguide as instruccións; canto máis rápido o fagades máis divertido será. Algúen da familia terá que ir léndovos os pasos. Deixámosvos unha  guía rápida para os máis espilidos, e outra máis sinxela?? para os máís peques.

PARA EXPERTOS

PARA MÁIS PEQUES

Para que non vos sintades sós na cociña aquí vai esta curta cun conto moi cociñeiro e contado dun xeito moi especial.

A MELLOR SOPA DO MUNDO

Ata  aquí o reto de hoxe. Agora outras dúas propostas para non aburrirse.



MATEXOGANDO: OS BOLOS DE ANDAR POR CASA

Collede tubos de papel hixiénico. Pintade cada un dunha  cor e debuxádelle (ou pegádelle) un número diferente a cada ún. Serán os puntos que se gañen.  Despois facede unha bola con papel albal, xornal ou o que teñades polo casa e a xogar con estes “bolos”.
Tamén podedes usar botellas, decoralas e pegarlle un papel co número. 
Os peques poden debuxar os puntos do número.

OS OBXECTOS DA MIÑA CASA. XOGO SENSORIAL

Facede unha procura de tesouros pola casa collendo de 5 a 10 obxectos de distintas formas, cores e tamaños. Poñédeos  nunha mesa. O xogo consiste en observalos durante 2 minutos. Pasado ese tempo, tapádeos cun pano. Os xogadores teñen que decir, escribir ou debuxar todos os obxectos que lembren. 

Destapade  e comprobade cantos obxectos fostedes quen de lembrar.

Outra posibilidade é retirar un obxecto sen que os nenos miren e que adiviñen cal falta.