PROPOSTA PARA O LUNS 23 DE MARZO

Un día máis, moitos ánimos. Nós non deixaremos de mandarvos propostas. Vós encargádevos de que estes días, aquí "pechados", o mar estea en calma. Graciñas por tódalas fotos que estades mandando. Fan que os nosos ánimos tampouco baixen.

1/DIARIO DE NAVEGACIÓN. DÍA 6

-SOMOS MARIÑEIROS

É tempo de falar sobre quen pode ir no barco, ...que cousas fai o mariñeiro e o capitán?. Facede unha listaxe nun papel. Quen sodes vos? Sabedes que aspecto ten cada un?.

Ollade estas fotos e escollede o voso papel no barco.

Agora a debuxarvos como capitáns ou mariñeiros con esta actividade...

-O MEU RETRATO!

Imos a buscar un espello pola casa para observar ben como somos, fixámonos nas distintas partes do corpo e mirándonos no mesmo facemos un debuxo, o noso retrato. Podemos poñer a data na que o facemos para ir vendo a evolución do noso esquema corporal.

e a aprender ben  esta canción: 
"EL MARINERO BAILA" 




AGORA OUTRA PROPOSTA COA PRIMAVERA...

2/ ENCHENDO PETOS. IMAXINANDO MUNDOS(2ª parte)

 Agora que xa estades de volta do paseo, lede primeiro este poema

 E despois probade este xogo en familia...

“DO PASEO VEN UN NENO CARGADO DE...” Ides dicindo cada un  o que leva nos petos ata que vos cansedes.

A algunhas das cousas que digades dádelles unha pequena volta poética ( por exemplo “caracois a centos” ou “redondas pedras”) e decorades unha tarxeta coa frase escollida. Tamán podedes pegar as palabras nos debuxos que antes fixestes ao ritmo da música. Envíadenos  a foto e  non esquezades gardar as tarxetas no caderno ou na caixa e traelas ao cole cando volvamos. Alí faremos un poema con tódalas tarxetas e debuxos que traiades.

¡A SEMENTAR!

Para esta actividade precisamos un vaso ou recipiente, algodón e lentellas, garavanzos ou xudías... e un chisquiño de auga. Deixámosvos un vídeo explicativo de como podemos facelo.

¡A observar como xermina a planta!