PROPOSTA PARA O XOVES

Para os que vos apeteza facer o  xogo do "diario de navegación", compartímosvos unha idea nova. Xa sabedes que todo son suxerencias para axudarvos a encher o moito tempo que temos. Ademáis, temos coma sempre outras dúas propostas.
Animádevos a seguir mandando fotos; por aquí estamos encantados de poder asomarnos ao voso "día a día".
Moitos ánimos nunha xornada máis e felicidades a tódolos "pepes e pepitas".

DIARIO DE NAVEGACIÓN. DÍA 2

Xa tedes os cadernos, caixas, carpetas, preparados?

 Pois imos seguir. Apuntamos o día de hoxe,  miramos como estamos de ánimo e... AVANTE TODA!

Uy, non...que ainda non temos barco!

Imos viaxar dentro desta casa-barco, pero...como é un barco. Magallanes e Elcano levaban 5 na súa viaxe. E nós, que imos facer.?.

Procurade unhas imaxes na internet e mirade que barco precisaremos. Como terá que ser ...grande, pequeno, alto, baixo? de que cor, terá ventanas?

Este vídeo pode axudar

Despois de mirar que tipos de barcos hai polo mar e de escoller o que vos gustaría,  ATREVÉDESVOS A DEBUXALO?.

O mellor é que pechedes os ollos e intentedes facelo soiños...pero se non sodes quen de facelo, podedes botarlle unha ollada a este vídeo que escollemos para nenos grandes e máis pequeniños.

“Louie dibújame un gran barco”

Agora que xa temos o barco debuxado poñédeo nun lugar especial. Vainos facer falta unha canción...sabedes cantar “o barco chiquitito”? Noooon...! Acordaranse as mamis e papis. Nooon...! Veña avisade aos avós e avoas...que se poñan a cantar xa! Aprendédea entre todos e se alguén quere mandar un audio ou vídeo xa sabedes o enderezo parrococamilo@gmail.com. E non esquezades as fotos das actividades que queirades compartir.!

MOTRICIDADE FINA; CREAMOS UN COLAR CON MACARRÓNS

Buscamos un cordón ou fío, collemos uns macarróns e … ¡poñémonos mans á obra!, tratamos de meter os macarróns polo fío, exercitando así os dediños. Se vos apetece e tedes na casa material, tamén podemos pintar antes os macarróns.

XOGO DE PISTAS: REMEXENDO NAS CORES

Se onte lestes o conto “Monstro de Cores”, xa estades preparados para este xogo. Tedes que procurar cousas dunha cor acordada pola casa e levala a un punto acordado. Podedes xogar collendo de cada vez unha cor ou pedir varias cores á vez. Cando teñamos moitas cousas xa podemos  colocar cada cor nunha caixa ou bolsa para xogar a clasificar “cada cousiña no seu lugar”. Tamén podemos falar de que cousas nos gustan máis e por que.Tamén podemos lembrar as cores e emocións do conto. Despois...a ver que se atreve a inventar un xogo novo con todo o que temos nas bolsas.!