PROPOSTA PARA O DOMINGO 5 DE ABRIL

DIARIO DE NAVEGACIÓN DIA 19

ENTRETEMENTOS NO PEIRAO E NA CUBERTA...hoxe  toca en familia. 
É Domingo!

 Estamos xa de vacacións, aínda que ao estar na casa semella que todo segue igual. 

Daquela nós, que xa estamos convertidos nuns auténticos navegantes, imos terminar de preparar algunhas cousiñas  e dar algunha voltiña de proba cos nosos barcos antes de emprender auténticas aventuras. Estas chegarán despois.

Estes días imos desfrutar da estadía no porto, da navegación co mar en calma, imos ler  e bailar na cuberta e ocupar o tempo mirando polos nosos anteollos, a ver que cousas interesantes descubrimos.  

Pero antes de fixar o rumbo hai algo importante que tedes que facer. 
-Pechade os ollos.
-Imaxinade onde queredes ir e...
-Facede un debuxo dese sitio. Podedes facelo cos vosos lápis, coas ceras, cos rotus... Podedes pintalo co pincel. 
Queremos ver como é ese lugar ao que iríades co voso barco. Podedes decir como se chama ou poñerlle nome. A maxia fará que ese lugar soñado apareza nos nosos mapas.

Xa o tedes? Agora xa podemos seguir...

1/ PAU DE CHOIVA

Collede un tubo de cartón, clavos ou palillos,  papeis de cores ou pintura para adornar e legumes, que serán as que produzan o son.

O primeiro que faredes é  facer uns buratos no tubo e poñer  clavos ou palillos. Co  martelo imos clavando os clavos por fora do tubo. Non hai  que poñelos regularmente. O  importante é que sexan moitos para que ao mover o tubo os legumes  caian a modiño. A distancia entre clavo e clavo debe deixar pasa-los legumes. 

Se poñedes palillos en vez de clavos haberá que cortar cun alicate o que sobresae.

Despois pechades o tubo por un lado e enchédelo  de legumes. Pechades o lado que queda aínda  aberto e... listo!.

Agora é o  intre de decoralo.  E ...a facer música.

 

2/ PÉS PARA QUE VOS QUERO

Este xogo é para aproveitar que aí atrás fixemos uns pés dereitos e esquerdos. Lembrades? (https://follasdemoreira.blogspot.com/2020/03/propostas-para-o-martes-31-de-marzo.html) 

Se ainda os tedes por aí podemos xogar desta maneira:

Marcade con estes pés ou cun cordel, lá, coxíns, cinta...unha liña no chan. Podes facer unha de cada vez e ir cambiándoa  (con forma de círculo, zigzag, ondas, raias cortas e longas, combinadas... e camiñade por elas de distintos xeitos: cos dous pés xuntos, cruzando os pés, un pé primeiro e o seguinte tocando, de xeonllos sen apoiar os pés. O importante é que fagades todo o que se vos ocurra.  
Podedes probar a facelo deprisiña ou  a modiño. Tamén alguén pode dar palmas ou tocar un chifro e cando pare, vos tamén teredes que parar.

 

3/ DÁNDOLLE UNHA VOLTA Á BARALLA DE CARTAS

Collede unha baralla de cartas española, ou outra que teña números e distintos paus e xogade con ela aos xogos que sabedes. Tamén podedes probar xogos alternativos como este...

-Mesmo número ou mesmo pau: 
Cada xogador debe botar unha carta que teña o mesmo número ou  que sexa do mesmo pau que o anterior. O primeiro que remate as cartas, gaña.

Deixámosvos AQUÍ  este e outros xogos para probar.

 

Rematamos cun pouco de marcha.

ESTO BAÍLASE ASÍ