PROPOSTA PARA O MÉRCORES 15 DE ABRIL

DIARIO DE NAVEGACIÓN              DIA 29

Os nosos amigos os arroaces desapareceron nas augas do mar. Hai  tempo que non os miramos. Pero, collede os anteollos!  ...ata onde nos trouxeron? Que é todo isto que vemos ao asomar pola borda? 
TIMONEL, A MODIÑO, QUE HAI POUCO CALADO!  QUE AS ROCHAS ESTÁN MOI PRETO! Pero, onde estamos? Mirade no mapa!

Son unhas illas, na boca da ría...como se chaman?



FACEMOS AS ILLAS
Xa que estamos a contemplar estas illas dende o barco, observádeas ben e facédeas vós na casa.
Collede un cartón que poida ser a base e pintádeo como se fose o mar. Ao mellor algún día destes podemos poñerlle máis cousas, pero hoxe imos concentrarnos nas illas. Observade a foto que sacamos dende a cuberta e a traballar!. 
Encima do cartón montade as vosas illas. Cantas montañas vedes? que forma ten a praia?  que semella?
Podédelas facer con plastilina, se tedes, ou con papeis arrugados e pegados, papel maché, ...ou o que teñades por casa. Tamén poderíades pintalas coma se estivesedes facendo un cadro. Coma sempre, botade a imaxinación a nadar!

NÓS MARIÑEIROS
Nun barco é moi importante  aprender a facer nós. A corrente do mar vainos deixar á deriva sen non o facemos ben. Collede  unha corda,  un cordel, ou o cinturón dunha bata e probade a facer este nó. Atendede ben as instruccións.





EXPERIMENTO CON AUGA

Como é a auga do mar? Cando a probamos sabe un poco rara, verdade, capitáns?

Facede este experimento...

Collede un vaso con auga e botádelle bastante sal. Remexede ben, poñédea nun plato e deixádeo 5 días nun lugar que lle dea o sol. Cando pase o tempo, tedes que contarnos cun debuxo ou un audio que é o que pasou. 
Se tedes, e queredes, podédeslle poñer colorante a auga, así o efecto verase aínda mellor.
Atrevédesvos a decirnos o que vai pasar?  
Se alguén ten algunha hipótese que nola conte xa!

MATEXOGOS: NÚMEROS E PINZAS 

 Hoxe imos a empregar de novo as pinzas para facer un xogo cos números.

Primeiro precisamos facer uns carteliños cos números (1-2-3-4…), faremos máis ou menos segundo o nivel de cada neno/a. Unha vez listos, collemos as pinzas e… a poñer en cada carteliño as que correspondan.

Para os máis pequenos podemos poñer nos carteliños puntiños segundo o número que poñamos.
Este xogo pode ocupar moitos dos nosos leceres, mentres tomámo-lo sol na cuberta.

PEIXIÑOS INCLUSIVOS