Na aula de catro anos durante o segundo trimestre desfrutamos moito traballando sobre dous temas interesantísimos :
O ESPACIO – fixemos un cohete espacial cunha caixa de cartón na que cabíamos dentro e pintámola de cores. Tamén montamos un mural enorme do sistema solar cos seus planetas, a lúa, o sol e estrelas que pintamos con pintura máxica que brila na escuridade. Canto nos gustou mirar no teito da nosa clase alumear as estreliñas!
A IDADE MEDIA –
Despois da visita ao Castelo de Soutomaior na que o Rei Pedro nombrounos cabaleiros reais, convertemos a parede do corredor e a porta da nosa clase nun auténtico Castelo, con muralla e dragón, xa que en frente nosa temos uns temibles piratas! Logo cada un deseñou o seu propio escudo e quedaron estupendos coas cores e os debuxos.
Podedes ver nas fotos canto traballamos e o ben que o pasamos.
Ningún comentario:
Publicar un comentario