ESTAMOS EN INVERNO!!!!

Aínda que o tempo nos ten algo despistados, na clase de catro anos temos claro que estamos en inverno.
Daquela, quixemos adornar o noso corredor cuns bonecos de neve que fixemos coas nosas cariñas.

Aquí tedes o resultado.

MURAL INVERNO - Kizoa Movie Maker

OS REIS MAGOS TROUXÉRONME...

Á volta das vacacións de nadal, os nenos de catro anos atopamos un super paquete no medio da nosa clase. Non tardamos nadiña en dar voltas ao seu redor e preguntarnos que podería ser aquelo tan grande. Por eso, empezamos a movelo para que soase, a arrastralo, a ulilo, a collelo para comprobar se pesaba moito... Feitas as nosas pescudas comezamos a pensar e a dicir que podería ser o que había dentro daquela caixa. Que se unha caixa misteriosa, que se un piano, que se unha boneca xigante, que se unha espada de star wars...vamos un non parar de suposicións. Ata, que por fin, a profe charo deunos permiso para abri-la caixa e... sorpresa! Un baúl cheiño de disfraces e complementos para crear un novo recanto na nosa clase.

reyes cuatro años - Kizoa Movie Maker

VISITA DO PAXE REAL EN 3 ANOS

O paxe real veu de visita o noso colexio e entregamoslle personalmente as nosas cartas

PAXE REAL 3 anos - Kizoa Movie Maker

OS DE 5 ANOS VISITAMOS AO PAXE REAL

Comezaba o mes de decembro cando ún de nós preguntou impaciente...
-Pilar, é hoxe o día que ven o paxe?
- Ufff!!!  aínda tes que agardar un bó cacho!!!
Semellaba moito, pero á fin chegou e puidemos sentarnos canda el a contárlle-los nosos desexos. Todos puxemos cara de anxiños, mesmo os máis rebuldeiros. Menos mal que a profe estaba moi atenta e cando o paxe preguntaba aquilo de... como te portaches? ante o seu "sí" rotundo escoitábase unha toseciña nerviosa...!!
Nos días anteriores preparamos as nosas cartas, engadimos un debuxo para a súas maxestades e metímolas nos sobres agardando poder entregalas. Menos mal que á profe deulle tempo a lles facer unha foto, non sexa que o paxe perda algunha e haxa que volver mandarlla ós Reis.
Déixovos ver algunhas delas...das que quedaron mais clariñas de entender. En outras os Reis terán que facer un grande esforzo de tradución, ainda que de seguro non se trabucarán ao preparar os nosos agasallos.

Quere unha batería!

reis20155anos - Kizoa Movie Maker

UN MAGO PARA INFANTIL E PRIMARIA

Antes das vacacións tódolos nenos de infantil desfrutamos canda os nosos compañeiros de 1º,2º,3ºe 4º de Primaria dos trucos e ocorrencias dun mago que nos visitou. Non, non, aínda non eran "os magos" de verdade, os Reis magos, pero puidemos desfrutar da maxia e ir facendo boca!!.

entradamagoinfantil - Kizoa Movie Maker

SEGUIMOS CONTANDO AS COUSAS DO TRIMESTRE. 5 ANOS

Ademais do que xa tedes visto nas outras entradas, este trimestre comezou a rolar polas casas A MOCHILA VIAXEIRA, ademáis das súas compañeiras a BOLSA DE ENREDOS LECTORES e  a MALETA DE ENREDOS; máis pequenas, pero non menos importantes en canto ao seu contido. Ámbalas dúas son para entreter á espera mentres non chega a quenda de levar "A mochila", pero ésta é unha espera "activa". Algúns dos nenos e familias que a levaron xa deixaron as súas mensaxes e preferencias no caderno e todos escoitamos encantados o que nos teñen que dicir cando a traen de volta.
Case sen nos dar de conta, chegamos á fin do trimestre, mentres traballabamos nas matemáticas, nas nosas noticias (cadaquen trae a  aula e fala daquelo que lle parece interesante), nas  nosas pescudas sobre o faro que nos encargou Reilibro... 
Á conta da nosa descoberta de que os romanos estiveron nas Illas Cíes comezamos o noso proxecto, pero eso xa volo contaremos no segundo trimestre. Tivemos  tempo de axudar aos compis de 3 anos na súa pescuda e fixémolo encantados...por algo somos os maiores!!!
Tamén traballamos nas tarxetas con agasallos lectores e celebramos os últimos cumpreanos có número 5. A partir de agora o número 6 vai se-lo rei. 

fin1trim5anos15-16 - Kizoa Movie Maker

DISFRUTAMOS DO NADAL

Aquí vos deixamos unhas imaxenes de como preparamos e disfrutamos do Nadal...

Os nenos e nenas de 3 anos e a profe  Vanessa deséxanvos unhas FELICES FESTAS!!!!

FESTA NADAL 3 ANOS - Kizoa Movie Maker