PINTANDO XUNTOS E CON ...CHOCOLATE

Seguindo co traballo sobre o chocolate que todolos cursos de 3 e 4 estamos a facer este trimestre (os de 5 reservanse para o 3º trimestre) e devolvendo a invitación que nos fixeran os de 3 anos A para facer con eles os bombóns decidimos desta vez invitalos nós a nosa clase para que viñeran pintar con chocolate. Mesmo escribimos uns textos invitándoos a subir.
Sabiamos que lles ía facer moita ilusión e así foi. Antes de comezr estuvimos a falar de como sería posible pintar cunha cousa de comer e demos algunhas ideas para que todo funcionara ben.
Pasámolo de maravilla; pintamos e non puidemos resisti-la tentación de comernos a pintura. Ainda que o principio as profes dician que NON COMESEMOS NADA, despois de ve-las caras e as mans dalguns gamberretes e gamberretas deixaronnos chupa-los dedos e rebaña-las fiambreiras. Hoxe a pintura entrounos pola boca e tamén polo nariz. Todo o cole quedou impregnado do delicioso cheiro do chocolate e houbo moitas e moitas que viñeron axexar o que faciamos. 
 Pintamos co chocolate en tableta e, despois de recoller todo e de nos lavar,  probamos a pintar tamén co chocolate desfeito e daquela sí que puxemos todo un poquiño suxo...
Quedou claro que tamén co chocolate somos uns artistas e que sabemos traballar de vez cos 5 sentidos.

Poñemos primeiro  fotos do traballo coa invitación na aula de 4 anos e de seguido as fotos da  actividade de "pintura".

OS DE PRIMEIRO VEÑEN VER A NOSA COLECCIÓN DE SEMENTES

Como xa temos sementes de tódolos tamaños e cores os de primeiro que tamén teñen que estudar como funcionan as plantas viñeron visitarnos. Seica non querer deixar infantil demasiado pronto...

TODOS AO MONTE

Como xa sabedes todo o cole foi o monte a plantar uns acibros que hai dous ou tres anos sementaramos colaborando cos membros da agrupación de montes de Santo André de Comesaña. Os nenos de infantil non íamos quedar atrás e tamén quixemos plantalos,  ainda que case non podiamos coa pá...

Tede un pouco de paciencia pois xa dentro de pouco imos ter tempo de subir algunhas das fotos...ainda estamos no labor de escollelas... e é que son ! case cincocentas¡

Por fin despois de varios problemas temos aqui unhas pouquiñas fotos 

 

SEMENTES E MAIS SEMENTES

Como non temos sementes de cacao porque Tica non as da enviado dende a selva ecuatorial e como lle collemos gusto a iso de plantar estamos a facer unha colección de sementes que non para de medrar.

Comenzamos por ver como estaban as sementes de cabaza que gardamos no Samaín e despois seguimos collendo as que teñen as froitas e outras que trouxemos da casa...
Fomos meténdoas nun bote e despois de observalas e comparalas,  puxemos etiquetas co seu nome. 
A ver onde para todo isto¡ ... Non sei se daremos plantado tantas cousas...

Despois de tanto clasificar fomos ver como ían medrando os tomates e as leitugas e enchemos 4 macetas coas sementes de pemento que nos trouxera Silvia.

NEGROS E BRANCOS

Rematou outro mes e nós coma sempre voltamos á biblioteca. Desta volta Laura, quen lle colleu gusto a ser a nosa contacontos, contounos o conto de David McKee "Negros e brancos". Seica decatouse de que andamos un pouquiño alporizados e quixo amosarnos que a paz é posible.

Agora estamos a facer entre todos un mural que pronto veredes nas nosas paredes.

Non fixemos moitas fotos porque  nesta ocasión estivo connosco un periodista do Atlántico que quixo plasmar coas súas palabras e fotos a importancia do noso proxecto de animación lectora. Se non chegastes a mercar o periódico este mércores 7 de marzo decídelle ás profes que vos amosen o artigo que este xornal publicou.

PLANTAMOS LEITUGAS, TOMATES E BULBOS

Como a primavera está xa moi pretiño témonos posto a plantar sementes coma tolos para que cando chegue o momento estea todo super. Todo o cole plantou leitugas e tomates para levar a nosa horta escolar que estaba un pouco abandoada e tamen bublbos que xa iredes vendo florecer por todo o noso xardin. Os de infantil non iamos ser menos...