OBRADOIRO LINGUA SIGNOS II

A segunda parte deste obradoiro estivo máis centrada no propio alfabeto da lingua de signos.
Encantounos aprender, por certo, moi rápido cómo os xordos colocan as súas mans para dicir por exemplo o seu nome.
Gracias profe Bea pola túa colaboración e a túa axuda.

OBRADOIRO LINGUA SIGNOS II - Kizoa Editar Videos - Movie Maker

OBRADOIRO LINGUA DE SIGNOS I. 4 ANOS

Gracias a invitación da profe Bea puidemos aprender, gozar e practicar durante dúas sesións dun obradoiro de lingua de signos.
Bea contounos que hai moitas persoas que non poden escoitar coma nós e precisan comunicarse coas mans.
Na primeira parte do obradoiro adicámonos a xogar cunhas tarxetas nas que aparecían distintas imaxes e que nos serviron para empezar a coñecer cómo os xordos colocan as súas mans para dicir por exemplo mono, coello, bebé, lobo, pomba...

OBRADOIRO LINGUAE DE SIGNOS I - Kizoa Editar Videos - Movie Maker

VAI DE TACTOS!!!. 4 ANOS

Desta vez tocaba traballar que as cousas poden ser rugosas, suaves, ásperas, lisas... Así que, unha vez posto o anteface, decidimos experimentar coas xemas dos dedos e có noso sentido do tacto.

TACTOS - Kizoa Editar Videos - Movie Maker

EN BOAS MANS!!!. 4 ANOS

Cando un día empezamos a comparar as nosas extremidades, decidimos enviar unha notiña a casa para que nos enviasen as fotos das mans dalgúns membros da familia. Pouco a pouco, empezaron a chegar  fotiños que nos serviron para traballar tamaños, cores, texturas e, sobre todo,  a marca que vai deixando o paso do tempo na pel das persoas.

EN BOAS MANS - Kizoa Editar Videos - Movie Maker

FOTOS DE 5 ANOS

Grazas á colaboración de María temos algunhas fotos de 5 anos para vos amosar. Ollade que guapos están! Facer...fixérono estupendo, aínda que nas fotos non os poidades escoitar.

FIN DE CURSO EN INFANTIL

O pasado martes celebramos a festa de fin de curso e durante unha hora os nenos e nenas de 3, 4, 5 e 6 anos (os de 1º de Primaria) adicáronse con entusiasmo a facer que o pasasemos moi ben vendo como cantaban e bailaban. Aquí deixámosvos as fotos. Non saen as da actuación dos de 5 anos porque non temos; a fotógrafa estaba ocupada dirixindo. A ver se algúen do público comparte algunha foto  para que os poidamos ver...a  eles e a Timoteo!

findecurso infantil - Kizoa Editar Videos - Movie Maker

COMPARTINDO COUSAS NO CICLO

Nestas últimas semanas estamos compartindo cousas importantes. Primeiro foi o contacontos "O faro das almas " que os rapaces de 4º de Primaria fixeron para nós, adaptando os textos do conto orixinal. Podedes ver as fotos no blogue da biblioteca. 
Despois, este mesmo luns tivemos unha visita moi esperada que, en especial, aos nenos e nenas de 5 anos, emocionounos moito. Sabiamos dende había un tempo que a nosa compañeira e amiga Sabela tocaba o violín e que quería traelo ao cole e amosarnos como tocaba. Daquela o día acordado fomos felices ata a biblioteca para escoitala e coñecer tamén a Eva, a súa profe.
A sorpresa para nós foi que nos tiñan preparada unha viaxe musical moi especial da man dun personaxe chamado Estradiva que era....claro, Sabela!. Con elas coñecimos algunhas cousiñas do violin, fixemos ritmo e cantamos. Foi un cachiño do noso día no cole en que o pasamos fenomenal, todos xuntiños: os de 3, os de 4 e os de 5.
E...queredes saber como o fixo ela?....Xenial!!!
Moitas grazas a Eva e mais a Sabela. Seica algún outro día no curso que vén, podedes volver a abrirnos outra xaneliña ó voso  bó facer musical.

violinsabela - Kizoa Editar Videos - Movie Maker

UN ZOO DE MANS!!!

Cando falamos na clase de todo o que podiamos facer coas mans, non imaxinabamos que mesmo podían converterse en auténticos animais. Só tiñamos que colocar a nosa man axeitadamente, decorala e para que quedase máis completiño escribirlle un poema. Mirade que chulo quedou o noso zoo con animais da sabana, da selva e incluso da granxa. 

un zoo de mans - Kizoa Editar Videos - Movie Maker