NOVA FERRAMENTA NA COLUMNA LATERAL

Veño de engadir unha nova ferramenta para xogar cos trazos para os cativos de 3 anos que están a pelexar -e nalgúns intres a desesperar- co rato nestas mañás na escola.  Premede na pestaña lateral  GARABATOS e atoparedes unha orixinal presentación de grafismos para "repetir" que non precisa que descarguedes ningún programa.

DIA DA PAZ 2014

Despois de traballarmos toda a semana sobre  estas cousiñas da paz e  ir aos pouquiños preparando ás nosas aportacións ao mural da paz, os nenos e nenas de 3 e 4 anos compartimos o momento máxico de pegar as nosas pombiñas no mural que xa estrenaran os nenos de 5, que tiveron a sorte de se-los primeiros en colocalas.
Tempo mais tarde fomos quen de seguir con moita atención as explicacións que sobre Nelson Mandela nos deron os compañeiros de 4º, 5º e 6º de Primaria. Claro que nós xa sabiamos quen era Nelson Mandela porque xa estiveramos a mira-los murais e traballos que apareceran nos corredores de primaria e nas escaleiras. Ademais tamen estiveramos pescudando na internet quen era e que cousas fixera. 
Cando nos preguntaron por este home os de 3 anos non tivemos ningunha dúbida...<<Nelson Mandela é ..."el chico de arriba">> (ou sexa o que está arriba nas escaleiras). Tamén semellaba lóxico que, en canto rematara a festa, Nelson marchase para a súa casa; por iso o venres ao chegar ao cole e volver velo alí na escaleira alguén comentou ...<<Pero..., ainda segue aquí?>>

paz2infa - diapositivas