FACENDO HOMIÑOS

Despois de escoitar e desfrutar co conto “Homiño de mazapán” ocurréusenos para facer a receita que estabamos preparando darlle a forma de homiño ás galletas. Como coñeciamos os ingredientes que precisabamos e as cantidades correspondentes, xa con moito xeito, comezamos a mesturar:

Primeiro a manteiga co azucre. Despois engadimos os ovos e a cullerada de vainilla. Por último botamos a fariña pouco a pouco ata que a masa non se pegue nas mans. Facemos unha bola e  metémola na neveira unha hora.

Finalmente estiramos a masa entre todos, que nos gustou moito facelo, e coa forma de homiño de mazapán cortamos cadansúa galleta. Esperamos quince minutiños a que se doren no forno e …que arrecendo máis rico!.

Se queredes facer estas galletiñas tan deliciosas nas vosas casas esta é a receita:

-300 gr de manteiga.

-200 gr de azucre.

-2 ovos.

-500 gr de fariña.

-1 culleradiña de vainilla.

GALLETAS HOMI - foto montaje

CONTACONTOS: IMPÓRTANOS

Tamén no  mes de nadal tivemos oportunidade de asistir a un novo contacontos, por iniciativa do Concello de Vigo dentro das actividades que oferta para os coles. Desta volta unha  contadora moi especial que se atreveu a contarnos 5 contos un detrás de outro, cousa que a nós os de 3 e 4 anos encantounos e  deunos a oportunidade de revivir contos que xa coñeciamos e adentrarnos en outros novos que non nos tiveran contado as nosas profes.

CONTAMOS MOITO INTERCICLO NA FIN DO 1º TRIMESTRE

Antes de acaba-lo primeiro trimestre vimos de ser nós os nenos e nenas de infantil quen invitou aos de primeiro ciclo de Primaria a escoitar un conto contado por Paloma. O conto "O homiño de mazapan", ademais da boa lectura da profe que nos tivo pendente de toda a trama, tamén incluiu unha degustación deste doce de nadal que apareceu máxicamente no forno da avóa. Bueno, máxicamente coa axuda da profe Malena, quen tivo que botar man dos seus famosos "pós máxicos", eses que sempre leva agochados nos seus petos.

Ollade como desfrutamos todos xuntos cos antigos compañeiros de infantil.

homimazapan - foto montaje

DISFRAZANDONOS DE MOMIAS

Hola papis e mamis:

Na clase de “PSICO” os nenos e nenas de 3 e 4 anos rematamos o “PROXECTO EXIPTO” disfrazando a Antía (4 anos) e a  Andrés (3 anos) de “MOMIAS”. Mentres se disfrazaban repasamos todas as partes do noso corpo para coñecelo ben e despois baillamos todos as cancións “Momia de colores” e  “O cocodrilo Nilo” (as dúas están en internet).

Déixovos unhas fotos para  compartir convosco o ben que  o pasamos. 
Felices festas a todos.

Paloma

disfrazmomia - foto montaje