Adaptación 4º infantil

 Este marabilloso grupo de nenas e nenos de tres anos xa está gozando  e aprendendo, como si este espazo escolar fose noso desde sempre. Esperamos que todo continue así.

RODEADOS DE MATES

 O noso día a día está cheo de números, formas,razoamentos...algo que descubrimos

 xogando, experimentando e pensando.

Este video é só unha mostra do noso traballo diario.

EXPERIMENTAMOS COAS CORES DO ARCO DA VELLA

 Como ben sabedes estamos investigando sobre o arco da vella. O que máis nos gusta é experimentar e plantexar hipóteses para ver qué ocorre e sacar as nosas

propias conclusións.

Desta vez empregamos os seguintes materiais:

Un pouco de xabón líquido.

Colorante alimentario.

Palliñas.

Toallitas.

O resultado foi moi divertido e ata máxico. Mirade o proceso e , por suposto, todo o que pomos en práctica.

A NOSA HORTA!!

 Os nenos e nenas de Infantil traballamos moito na nosa horta: plantamos fabas, cebolas e tomates. Vimos como medraban, coidamos moi ben as nosas plantas e, agora, ao final de curso, comezamos coa recolleita.

MATES E MÁIS MATES!

Ao longo deste curso os nenos e nenas de 4º E.I. estivemos a xogar moito coas mates. Participamos en obradoiros conxuntos, fixemos bandexas da área de matemáticas de maneira autónoma e, en definitiva, ¡practicamos un montón!

ARTE NO PATIO

Aproveitando o bo tempo, en Infantil, saímos ao patio a facer un obradoiro conxunto de arte. 

Respectamos as produccións dos compañeiros, seguimos instruccións cambiando aos equipos de mural, empregamos o pincel e as cores do arco da vella, concentrámonos escoitando música e fixemos unha auténtica obra de arte!! 🖌️🎨

Pasámolo moi ben!!

FELIZ DÍA DAS LETRAS GALEGAS!!

Na nosa escola celebramos este día por todo o alto conmemorando ás Cantareiras: conversamos sobre elas e sobre o Día das Letras Galegas, coñecemos a pandeireta e o seu son,  probamos a tocala, cantamos cantigas e puidemos ver como cantan e tocan o grupo de "As Papuxas".  Foi un gran día!

Podedes ver os vídeos no blogue de fonte dos frades.

FELIZ DÍA DAS LETRAS GALEGAS!

SAÍDA Á GRANXA KIRIKO

O pasado martes, o alumnado de Infantil e 1º de Primaria puido desfrutar dunha saída á granxa Kiriko. Alí coñecemos aos cans Río e Pipa, ás vacas Pinta, Valentina e Clementina, á cabra Colacao, ós burriños e... moitos animais máis!

Mirade que ben o pasamos!!

15 DE MAIO - DÍA DA FAMILIA

Hoxe  é o Día da Familia e, en Infantil, conmemorámolo co conto "Un puñado de botóns" de Carmen Parets Luque. Conversamos sobre os distintos tipos de familia, entendimos que cada familia é diferente, pero está formada pola xente que te quere. Ademáis, fixemos diferentes xogos e manualidades.

Aquí, neste vídeo vos deixamos unha mostra: 

"Cada familia é diferente, única e especial. 

Hai tantas, tantas coma un puñado de botóns."

SAÍDA Ó TEATRO

O mércores 7 de Maio, os nenos e nenas de Infantil fixemos unha saída ao teatro para ver a obra "E entón un Xardín". Unha peza de títeres con música en directo.

No blogue de Fonte dos Frades podedes ver o vídeo.

XOGANDO COAS EMOCIÓNS!

Na aula de 3 anos estivemos explorando o mundo das emocións cuns xogos de mesa que trouxo a profe Yoli. Estes son os tres que probamos:  " Emociones y acciones", "Emoji Capsules" e  "O monstro de cores". 

Foi moi divertido!!!

FACEMOS NEVE!!!

Na aula de 3 anos estivemos falando sobre o meteoro da neve. Como a Vigo non chega decidimos facer un experimento de neve artificial na clase; experimentamos coas medidas, as proporcións e mesturamos todos os ingredintes. ¡A neve estaba moi fría e con ela puidemos facer un bonequiño!

Mirade que ben o pasamos!

REXISTRO MENSUAL DO TEMPO ATMOSFÉRICO

Tódolos días na asemblea os nenos/as de 3 anos observamos o tempo que fai e metemos un pompón no bote correspondente para poder ter un rexistro mensual.

Ao final de cada mes facemos o reconto de pompóns e, empregando bloques manipulativos, facemos unha especie de gráfica. Posteriormente, facemos o rexistro en papel cuns gomets.

COÑECEMOS OS KAPLA

Estes días apareceu un novo material na aula dos nenos e nenas de 3 anos. Observámolo, exploramos con él libremente e, pouco a pouco, fomos coñecendo posibilidades de xogo.

Con eles fomentamos a creatividade, a lóxica espacial, a motricidade fina, permítennos construir estructuras de forma lúdica e experimentar coa xeometría.

O INVERNO XA ESTÁ AQUÍ

Os nenos e nenas de 3 anos xa notamos a chegada do Inverno!

Nesta actividade estivemos experimentando co xeo, as cores frías que nos recordan a esta estación, xogando cos sentidos, practicando a coordinación óculo-manual, a concentración... 

Divertímonos un montón!

CONTACONTOS DAS FAMILIAS

 Acompañáronnos  os pais de Ángel na aula de 6º de infantil contándonos un  conto sobre as belugas. Aprendemos, conversamos, rímonos... unha actividade compartida que nos fai felices!.